Во анализа на рускиот весник Експрес, што ја пренесуваат медиуми, а којашто ја направиле руски експерти според документи од американската ЦИА, се вели дека картата на Европа значително ќе се промени до 2035-та година, а дел од Македонија ќе се соедини со Албанија.
Западниот дел од Македонија ќе се присоедини кон Албанија до 2035 година, а воедно ќе се соединат и делови од Косово, со што ќе биде создадена Голема Албанија, стоело во таа анализа.
Србија и Хрватска, како што се анализира, ќе си ја поделат Босна и Херцеговина.
Сериозни промени ќе има и во Шпанија, Франција и во Велика Британија.
„Територијата на Босна и Херцеговина ќе биде поделена помеѓу Србија и Хрватска. Полска ќе треба да се откаже од дел од територијата, по серијата договори меѓу Русија и Германија, а Белорусија ќе исчезне “, било наведено во анализата што се пренесува од рускиот весник Ескпрес.