Цитат:
|
Трајковска: Поплавата во „Ѓорче“ е дело на локалната власт Советничката група на СДСМ предводена од координаторката Снежана Трајковска, вината за вчерашното поплавување на дел од општината Ѓорче Петров ја наоѓа во лошиот менаџмент на средствата од страна на локалната власт. Според неа, граѓаните на Ѓорче Петров ги живеат резултатите од ветувањата и делата на градоначалникот Сокол Митровски и на ВМРО-ДПМНЕ. Како што наведе таа, средствата од фекална канализација во општината, советниците на ВМРО-ДПМНЕ гласале да се пренаменат за поставување вештачка трева на фудбалски стадион. - Поплавени улици, домови, подруми, голема материјална штета, тоа се делата на оваа локална власт. Својствено за ВМРО-ДПМНЕ, приоритети даваат на тениски игралишта и изградба на споменици, додека инфраструктурниот приоритет за нив е мисловна именка. Додека градоначалникот Сокол Митровски се сонча на некоја плажа и ужива во годишниот одмор, граѓаните на Општина Ѓорче Петров се дават во фекалии и вода, поради немањето желба за изградба на фекална и атмосферска канализација - изјави Трајковска. |